Psalms 21

Shukrani Kwa Mungu Kwa Ajili Ya Ushindi

(Kwa Mwimbishaji: Zaburi Ya Daudi)

1 ^aEe Bwana, mfalme huzifurahia nguvu zako.
Tazama jinsi ilivyo kuu furaha yake
kwa ushindi unaompa!

2 ^bUmempa haja ya moyo wake
na hukumzuilia maombi ya midomo yake.

3 ^cUlimkaribisha kwa baraka tele
na kumvika taji ya dhahabu safi kichwani pake.

4 ^dAlikuomba maisha, nawe ukampa,
wingi wa siku milele na milele.

5 ^eKutokana na ushindi uliompa, utukufu wake ni mkubwa,
umeweka juu yake fahari na utukufu.

6 ^fHakika umempa baraka za milele,
umemfanya awe na furaha
kwa shangwe ya uwepo wako.

7 ^gKwa kuwa mfalme anamtumaini Bwana;
kwa upendo usiokoma wa Aliye Juu Sana hatatikiswa.

8 ^hMkono wako utawashika adui zako wote,
mkono wako wa kuume utawakamata adui zako.

9 ⁱWakati utakapojitokeza
utawafanya kama tanuru ya moto.
Katika ghadhabu yake Bwana atawameza,
moto wake utawateketeza.

10 ^jUtawaangamiza wazao wao kutoka duniani,
uzao wao kutoka wanadamu.

11 ^kIngawa watapanga mabaya dhidi yako
na kutunga hila, hawawezi kufanikiwa,

12 ^lkwa kuwa utawafanya wakimbie
utakapowalenga usoni pao
kwa mshale kutoka kwenye upinde wako.

13 ^mEe Bwana, utukuzwe katika nguvu zako,
tutaimba na kusifu nguvu zako.